Carla Sands er fyrsta amerikanska sendikvinna, sum hevur vitjað í Klaksvík.

Signhild V. Johannesen sigur, at talan var ikki um eina almenna vitjan, og tískil varð prátið eisini ógvuliga óformelt, men sera hugnaligt.

- Vit eru altíð errin, tá ið vit fáa høvi at greiða vitjandi frá tí, sum myndar okkara bý, vinnu- og mentanarliga.

- Sendikvinnan var ógvuliga hugtikin av, hvussu gestablíðir føroyingar eru, og nýtti veruliga róliga atburðin hjá føroyingum, sum samstundis hava so stóra drívimegi.  

- Serliga helt hon tað var hugtakandi, at ein so lítil býur sum Klaksvík kann hava so stóra framdrift, tá greitt varð frá um nýggja miðbýin og aðrar verkætlanir hjá Klaksvíkar kommunu, sigur Signhild V. Johannensen.  

Kaffihúsið Fríða borðeiddi við føroyskum mati og drykkivørum frá Føroya bjór, og vóru tey øll sera væl nøgd við hesa upplivingina, sum saman við rundvísingini frá Archibald Black gjørdi upplivingina í Nólsoyar Pálshúsinum heilt serstaka.