Navnanevndin metti, at bestu uppskotini til fundarhølini vóru, niðari Forni og ovari Forni.

Vinnari av kappingini var Jórun Niclasen, leiðari í Námsfrøðiligu Ráðgevingini.

Frágreiðing um nøvnini

Ein forni er bøur sum í langa tíð ikki hevur verið veltur.

Frágreiðing um tann gamla býlingin í Vági

Tann gamli býlingurin í Vági lá millum Ósá, Karlsá (Frammi í Á), Fornagarðar og Vágna. Her eru 14 merkur av kongsjørð og 1 mørk í óðalsjørð.
Kongsjørðin er skift sundur í 3 garðar við serliga frábýttum bøi til hvønn garð.

Frágreiðing um staðanøvnini niðari Forni og ovari Forni

Fornagarðar er grótlaðing, mark millum innangarðsjørðina og uttangarðsjørðina í bóndabýlinginum í Vági.
Bøstykkini við Fornagarðar eru niðari Forni, sum hoyrir til Innistovu og ovari Forni, sum hoyrir til Útistovu.