Nýggjastu tíðindi
Fyrilestur: Rúsevnismisnýtsla millum ung
Týskvøldið 13. apríl kl. 19.00 skipar viðgerðarstovnurin Frælsi, í samstarvi við Soli Deo Gloria og Klaksvíkar kommunu, fyri kunnandi fyrilestri, har tað m.a. verður umrøtt, hvussu vit kunnu fyribyrgja rúsevninsmisnýtslu, og hvørji eyðkenni ein skal vera varugur við.
Endamálið við fyrilestrinum er at upplýsa um rúsevnismisnýtslu og geva foreldrum, avvarðandi, starvsfólkum og umsorganarpersónum amboð til at hjálpa ungum, sum eru blivin bundin at rúsevnum. Eisini verður hugleitt um, hví so nógv ung taka rúsevni í dag.
Fyrilestrarhaldari er Erling Fles, løggildur sálarfrøðingur.
Fyrilesturin er ókeypis og verður í hølunum hjá Soli Deo Gloria á Klaksvíksvegi 56 frá kl. 19:00 til 20:30.
Kaffi og kaka verður eisini bjóðað.
Nýtt í kommununi
Herfyri samtykti býráðið at útvega eina nýggja maskinu til Grótbrotið. Í dag kom so nýggja snotiliga maskinan, sum er útvega av Aw… Les meira »
Klaksvíkar kommuna søkir eftir námsfrøðingi til stovueindina á Brekku. Talan er um stovu við børnum í aldrinum 0 til 3 ár. Les meira »
Endurlýsing: Hevur tú hug at stjórna størsta arbeiðspláss í Norðoyggjum? Kommunustjórin er ovasti umsitingarleiðari í kommununi… Les meira »