Tíðindi
Søkt verður eftir sálarfrøðingi til Barnaverndartænastuna til setan ½ august 2022 ella skjótast gjørligt eftir tað. Talan er um fulltíðarstarv.
Arbeiðsøki
Barnaverndartænastan í Norðoyggjum er eitt samstarv millum Fugloyar, Kunoyar, Hvannasunds, Viðareiðis og Klaksvíkar kommunu. Samstarvið fevnir um á leið 6.000 fólk.
Sum sálarfrøðingur á Barnaverndartænastuni kemur tú í tøttum samstarvi at arbeiða saman við fýra sosialráðgevum, einum skrivstovufólki umframt leiðara.
Arbeiðsuppgávur
- Samrøður við børn, ung og foreldur
- Viðgerð av børnum, ungum og familjum
- Kanningar av børnum og ungum
- Supervisión og fakliga sparring
Vit ynskja okkum starvsfólk sum
- Hava góð samskiftis- og samstarvsevni
- Eru álítandi og arbeiðssom
- Tola at arbeiða undir trýsti
- Kunnu arbeiða sjálvstøðugt
Førleikakrøv
Útbúgvin sálarfrøðingur við løggilding. Viðkomandi royndir eru ein fyrimunur, men ongin treyt.
Vit bjóða
Eitt spennandi og fjølbroytt starv har tú eisini verður partur av einum fakligum samstarvi við sálarfrøðingar á barnaverndartænastunum kring landið og Barnaverndarstovu Føroya. Eisini er møguleiki fyri supervisión og førleikamenning eftir umstøðum og tørvi.
Setanarviðurskifti
Talan er um eitt fast fulltíðarstarv, lønar- og setanarviðurskifti eru sambært sáttmála millum Kommunala arbeiðsgevarafelagið og Akademikarafelagið. Lønartalvan sæst á www.fmr.fo
Arbeiðsgevarin hevur skyldu til at fáa barnaváttan og reina revsiváttan til vegar, áðrenn setanin verður framd.
Umsóknir
Umsókn við prógvum og lívsgongdarlýsing skal vera okkum í hendi seinast mikudagin 22. juni 2022
Tú søkir starvið við at trýsta á leinkjuna her: Sálarfrøðingur til Barnaverndartænastuna
Nærri upplýsingar um starvið fáast við at venda sær til Tonju Sonhardsdóttir, leiðara fyri Barnaverndartænastuna 287621.