Tíðindi

12.05.2023
Borgarstjórin setti ráðleggingardagin

Í dag er felags ráðleggingardagur fyri øll starvsfólk á dagstovnaøkinum og frítíðarskúlanum í Klaksvíkar Kommunu. Karl Johansen, borgarstjóri, bjóðaði vælkomin og setti dagin. Hann nýtti høvið at takka øllum starvsfólkunum fyri teirra megnar arbeiði.

Ráðleggingardagurin verður í ár hildin í hølunum hjá KFUM & K, har tey 170 starvsfólkini á dagstovnum og frítíðarskúlanum eru savnað. Hetta merkir, at tey umleið 460 børn, sum eru í skipanini, í dag hava frí. Borgarstjórin nevndi í stuttu røðu síni, at hann eisini merkti, at allir barnagarðar vóru stongdir í dag, tí eisini hann mátti heim at ansa abbabørnum í dag, og er hetta bara enn eitt dømi um tann stóra týdningin, sum dagstovnar, dagrøktarar og frítíðarskúlar hava í okkara samfelag í dag.

Fyrrapartin í dag hevur Ditte Alexandra Winther-Lindqvist, ph.d. og lektari á DPU, Aarhus Universitet, undirvíst í hvussu børn spæla og hvussu spæl mennir vinaløg, samleika og hugflog. Í framløguni greiddi Ditte frá sínari gransking, og um hvussu spæl, spæliumhvørvi og um leiklutin hjá starvsfólkunum í samband við spæl.

Onnur tíðindi
17.07.2024

Ferðslu­kunning í samband við dystin hjá Víkingi á Djúpumýru

17.07.2024

Stongt vegna jarðarferð

16.07.2024

Stangavegu­rin asfalteraður

15.07.2024

Stangavegu­rin stongdur