Tað var Karl Johansen, borgarstjóri, ið hevði bjóðað landsstýrismanninum á vitjan. Karl Johansen greiddi frá um kommununa, og um hvussu Klaksvíkar kommuna arbeiðir eitt nú við integrasjón, útjaðaranum í kommununi og onnur mál, sum landsstýrismaðurin varðar av.

Fundurin var liður í at tryggja gott samskifti við Landsstýrið og at fáa kunning um aktuell mál. Landsstýrismaðurin vísti stóran áhuga, og prátað varð um nógv ymisk viðurskifti, sum hava áhuga fyri bæði land og kommunur.